Tuesday, July 17, 2007

!!مبروك .. بقيت عاطل




أخيرا وبعد عناء 6 سنين جامعة بدأتها في قسم الوثائق والمعلومات بآداب عين شمس ونهيتها في قسم


اللغات والترجمة الفورية بأكاديمية المقطم .. تخرجت بالتقدير الشعبي اللي كنت متوقعه بس لما لقيت الفارق بين


تقديري ودرجة جيد %1 بس


اتخنقت شوية :lol:


المهم إنها بداية لمرحلة اثبات الذات وتكوين نفسي عشان عندي أمل أتجوز في يوم من الأيام وأمارس حياتي الطبيعية


نفسي أعمل حاجة ويكون ليا بصمة في الحياة وحاسس إن ربنا سبحانه وتعالى هيكرمني واقدر احقق أحلامي


مبروك ليا ومبروك للجامعة لأنها كسبت خروجي منها


ادعولي ربنا يوفقني في اللي نفسي فيه والأجر والثواب عند الله :lol:
على فكرة انا مش عاطل اوي يعني .. دلوقتي بقضي فترة تدريب في اذاعة حريتنا
ويمكن انجح في التدريب دا وأكون موجود معاهم .. ادعولي تاني

13 comments:

nohamy said...

صديق الكفاح

نفسي طبعا أشوفك اكبر حاجة فى الدينا
ساعات بحس أنك بتمتع بهدوء ملل

هتنجح أن شاء الله





انتظر قليلا

Anonymous said...

مبروك انك بقيت فاضي وتقدر دلوقتى تتفرغ لأحلامك المهنية وانا واثقة انك هتحقق احلامك

مروة عوض

عمرو غريب said...

بالتوفيق انشاء الله

صبري سراج said...

تهامي صديقي العزيز

انا فعلا ممل :lol:

مروة ربنا يخليكي يارب

وعمرو غريب بجد شكرا لتهنئتك

مشربية said...

يا ريس ان شاء الله هاتنجح و هاتكون اذاعي شاطر جدا جدا و مليون مبروك علي تخرجك يا عسل
كلمة دي قليتها لي بتاعت المناديل اللي واقفة علي باب الجامعة عندي و كل سنة بتقولها لي و انا كل سنة بقولها لسة متخرجتش :(

aliaa said...

الف الفين مبروك يا عم صبرى
ياااااااه الجامعة ارتاحت منك واحنا لسه
ده هزار
وان شاء الله ربنا يوفقك وتحقق احلامك
انت دماغك عالية
عقبالى انا كمان لسه نتيجتى مظهرتش
ادعيلى انت بقى

صبري سراج said...

صديقي العسكري

عقبال تخرجك يارب ومبروك انت كمان نجاحك

عليا .. ميرسي لذوقك بجد

ومنورة المدونة

Anonymous said...

عزيزى صبرى .... وحشتنى قوى
انا واثق إنك ياصبرى حتنجح فى حياتك، وحتتحقق حتى ولو جزء من أحلامك لأنك شخص جميل... ومبروك على تخرجك، بقينا فى الهوا سوا بس أنا مطلعتش نتيجتى

صبري سراج said...

كريم بجد نورت المدونة

وبجد بجد واحشني موت

ربنا ينجحك ويوفقك يارب

وتبقى مهندس وكاتب صحفي قد الدنيا

لأنك كاتب رائع بجد

وعايز اشوفك يا باشمهندس

Reemo said...

الف مبروك على التخرج
وعقبال ما تحقق كل اللى بتتمناه يارب

صبري سراج said...

ربنا يخليكي ياريم يارب .. ميرسي بجد

Anonymous said...

الف مبروك ياريس ( ياريس دى اللازمة بتاعتك) ههههههه
وبعدين عناء ست سنين ده مش كتير فى غيرك قعد اكتر ... المهم ما تبقاش عاطل بجد
وبعدين انت فعلا صحفى ممتاز
واكيد مذيع جامد بس لسة ما سمعتش صوتك يا مذيع ...
وبالتوفيق ان شاء الله
وحتما هاتحقق ذاتك ما دمت بتسعى لهذا ...

kariembudran said...

ياريت تشرفنى على مدونتى يا صبرى وتقلى رأيك