مش عارف ابدأ موضوعي ازاي ؟!
عايز اتكلم عن اتنين بحبهم جدا
ولاد حلال بجد
الاتنين عرفتهم عن طريق الصحافة
كانوا السبب بعد ربنا سبحانه وتعالى اني اشتغل في المجال دا
لكن دورهم موقفش لحد هنا
ربنا سبحانه وتعالى دايما بيسبب الأسباب
والاتنين دول ربنا جعلهم سبب لكل خطوة كويسة بعملها في حياتي
الأول على قدر خبرته وعلاقاته بيفتح لي مجالات للشغل
وشايف فيا اللي انا مش شايفه في نفسي
والتاني هو البنزين اللي بيحركني
ورغم كده انا حزين
كنت فاكر اني اجدع انسان على وجه الارض
لكن لقيت اللي يعلموني يعني ايه جدعنه
ويعني ايه ايثار ويعني ايه حب بجد
حب ميعرفش مصلحة
ربما اتهم انا اني بحبهم لأن مصلحتي معاهم
ورغم ان دا مش صحيح الا اني مش هقدر انفي التهمة
لكن هما بيحبوني لوجه .. بيساعدوني لوجه الله
الاتنين دول أنا بحبهم بجد
ونفسي يحسوا بحبي ليهم زي ما هو موجود جوايا
مصطفى فتحي وتهامي
ربنا يكرمكم ويحبب فيكم خلقه
ويجعلكوا دايما سبب خير لكل اللي تعرفوهم
8 comments:
متردد جدا فى الكتابة
كل ما اكتب تعليق أحذفه
مصطفي ..بجد ..انا بحبك و بحترمك جدا
لاني اى نجاح وصلت او لسة هوصل له
هو لي فضل فية
و فضل كبير كمان
صبري بقي
احنا شركاء ... يعنى لو معرفيش صبري .. كانت هتبقي القاهرة مدينة مظلمة بالنسبة لى
لانه بيساعدنى جدا و بيوفر علي مجهود
دايما بحمد ربنا .. اني أتعرفت على الاتنين دول
وكمان أحنا مرنا بظروف صعبه و مشاكل كتير
بس أحنا دايما عدم الخوض فى مشاكل
ده قال و ده عاد
:) ربنا يخليكوا لبعض
انتوا التلاتة من احسن الناس اللى عرفتهم فى حياتي
تعرفوا إن الحسنة الوحيدة اللى خدناها من شباب مصر
إنها عرفتنا على بعض
حقيقى ... أنتوا أجمل ناس عرفتهم فى حياتى
شكر ليكي يا مروة انتي طيبة اوى
كريم فعلا دي الحقيقة
انا فرحان بيكم كلكم
علي فكرة انا مش عارف اعلق لان صبري احسن بني ادم تقعد معاة و تستفيد منة بجد و ممكن من كلامة يخليك تقشعر و فرحان اني عرفتة جدا جدا
تهامي امنياتة و احلامة بيدوني الامل من جديد اني معرفش حاجة اسمها ياس
مصطفي واحد حاول يساعدني بس انا مطلعتش قد المسؤلية
كل سنة وانت بالف خير انا جيت اقول كدة بس
Post a Comment