Monday, September 24, 2007

!!..تاج جديد من آخر قرصان





لو قالولك اختارعصر من عصور مصر عشان تعيش فيه تختاراى عصر وفى عهد اى حاكم واشمعنى؟

عصر الرئيس السادات رحمه الله .. حابب اقرب اوي من الشخصية دي لأنها غامضة ومحيرة ..

عمل الكتير لمصر لكن في ناس كتير محتارة في سياسته.. عايز اعرف مين هو السادات بالظبط


اول اولوية فى حياتك عيلتك ولا شغلك ولا اصحابك؟


حبي !!


ايه اكتر حاجة بتحبها فى رمضان؟


رمضان


اوصف ليا اجمل فطار ممكن تفطره؟


رز وصينية بطاطس مي إيد أمي وعرقسوس وقمر الدين وقطايف


لو انت حاكم على مجموعة من الافراد حتكون عادل؟ طب حتعمل ايه عشان تتأكد انك حاكم عادل؟


همشي في الشارع من غير حراسة و هقتضي بسيدنا عمر رضى الله عنه


اللى بيبوظ الحكام ..نفسهم ولا الشعب ولا الحاشية المقربة؟؟


النفس أمارة بالسوء والحاشية بتدور على مصلحتها والشعب بيسكت ع الذل


يبقى اكيد التلاته .. وضيف عليهم النحس


مين اكتر اعلامى مصرى بتحترمه؟؟


أكيد مش تامر أمين


لو ممكن تشتغل شغلانة تانية غير اللى انت بتشتغلها او كنت بتشتغلها كنت تتمنى تبقى ايه؟؟


معرفش .. بس عمري ما تخيلت غير إني أكون إعلامي


ايه تانى بلد تتمنى تعيش فيها بعد مصر؟؟


الإمارات


اوصف ليا ترتيبات اجمل فرح ممكن تحضره؟؟


هيبقى فرحي ودا عشان هكون فرحان به أوي .. دا اذا حصل واتجوزت البنت اللي بحبها يعني


عموما أنا بتخيله في جنينة القصر اللي هسكن فيه ان شاء الله :> وهيكون فرح نهاري زي الخواجات


وهجيب محمد فؤاد يحيى الفرح عشان بحبه أوي ولو ينفع عمر خيرت عشان العروسة يبقى فل أوي


بتراعى كلام الناس والقيل والقال؟ لو اه او لو لا قولى ليه؟


مش دايما .. على حسب درجة اقتناعي باللي بعمله


صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة حتبقى سعيد؟


أكيد لا عشان مش هكون لسه حققت أمنيتي في إني أقتني كاميرا ديجيتال


السعادة هى؟؟


الحب


عندك امل ؟ اسبابك ؟


الحاجة الوحيدة اللي حيلتي هي الأمل .. عندي أمل أعمل حاجة


لما تحب تهرب من كل شىء بتروح فين؟؟


مش بهرب


امتى اول مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟


طول عمري شايف نفسي كبير


لما بتعمل عمل خيرى بيكون ايه هو دافعك الاول؟؟


رضا ربنا وإني أكون قدوة لغيري في حاجة زي دي


بتشرب سجاير؟لو الاجابة اه ايه شعورك لو شفت ست بتشرب سجاير وليه؟


آه بشرب .. عادي .. الغلط والحرام بيكون على الراجل والست .. انا بشرب سجاير ..

عارف انها غلط وحرام بس اكيد انا مش بايظ .. ومش شرط هي كمان تكون بايظة ومنحلة عشان بتشرب سيجارة


بتعرف ايدك اليمين من الشمال ازاى؟


حافظهم


ايه اكتر اله موسيقية بتحبها؟


كل الآلات الشرقي


فى رأيك ليه الذوق والنخوة اتعدموا؟


متعدومش لسه .. بس انقرضوا ولو عايز السبب .. فتش عن الفقر


ايه الحاجة اللى لو حصلتلك تبقى سعيد قوى؟


اذا ربنا كرمني بالبنت اللي بحبها وكملتا حياتنا سوا


تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟


فلوس في البنك عشان هعمل بيهم مشروع تاني خالص


البحر ولا النيل؟؟؟


عيون حبيبتي


مركب ولا طيارة؟


لما أركب عربية الأول ابقى ارد عليك


عاقل ولا مجنون؟


متقلب


تقرا كتاب ولا تتفرج على فيلم؟


هتفرج ع الفيلم لأنه مش هيتعاد تاني قريب .. وبعدين اقرأ الكتاب


بتمرر التاج لمين؟؟


مصطفى فتحي , محمد العسكري، حسين هاشم

8 comments:

آخــر قــرصان said...

الظاهر انى اول واحد يعلق هنا.. اوكى
كل اللى اقدر اقوله ان الاجابات دى ماتخرجش من حد الا صبرى..
ايه يا مان البساطة المطلقة دى
اى خدمة ياعم .. لو عاوز تاجات ابقى اتصل على الرقم ده 0000000009
سلاموووز

آخــر قــرصان said...
This comment has been removed by the author.
مشربية said...

عجبتني قوي اجابة العربية و عيون حبيبتي و ابحث عن الفقر و طبعا النحس لية عامل كبير قوي يا صبري بس دة بيكون ملك الشعب و يباشا انت غظب عن عين امي انت اعلامي كبييييييييييييييييييييييييييييييييييير
بس حقيقي انا مقدرش علي المجاملة الكبيرة دي انا عمر ما حد عبرني بتاج و اكيد الاجابات هاتكون سخيفة و ملهاش اي لزمة حبي الف مليون شكر و هاجيب رصيد بكرة عشان اكلمك

nohamy said...

اية الرومانسية دي كلها
الله و اكبر
ده مش صبري يا جماعة
ده نزار

انا بهزر
اجاباتك حلوة

Anonymous said...

sabry
enta in sha2 allah hateb2a ostora
ba7ebak enta we zeeeta el ahbal

Anonymous said...

رغم انى مريت على مدونتك قبل كده وشفت التاج ده بس للاسف ماقرتوش الا النهاردة
حقيقى اجاباتك مدهشة يا صبرى
وعلى رأيى العسكرى انت اعلامى كبيييييييييير
وتحياتى ليك

س سؤال بقالك كتير ما دونتش ليه ..؟؟

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the MP3 e MP4, I hope you enjoy. The address is http://mp3-mp4-brasil.blogspot.com. A hug.