Sunday, July 20, 2008

حليم.. حكاية شعب ولا حكاية نظام..؟




يمكن حكاية روح.. لامؤاخذة يا عدوية


حليم أسطورة الغناء التي صنعها إعلام الثورة قبل أن تصنعها إختياراته وأغانيه.. هل كان حليم مطربا للنظام؟


حليم الطفل والشاب الذي عاش حياة بائسة وشق طريقه في عالم الفن مستندا إلى حنجرته التي يملؤها الإحساس، ساقه القدر إلى الغناء في عيد الثورة الأول ونجح إعلام الثورة بشكل كبيرفي صنعه كأول حالة نجاح أوكأول هدية من الثورة للشعب المصري.


من يومها أطلق حليم لحنجرته العنان وحدد أغانيه بين العاطفي الذي يحبه الجمهور والوطني الذي يرضى عنه النظام.


في الحقيقة لم يغن حليم سوى أغنية وطنية واحدة خرجت من قلبه بمنتهى الصدق ولمعت فيها حنجرته كما لم تلمع من قبل " عدى النهار " والتي غناها عقب النكسة، فيما عدا تلك الأغنية سخر حليم موهبته وفنه لخدمة النظام فغنى للاشتراكية والسد العالي وأغانيه عن " ثورتنا المصرية " والقومية العربية التي نادى بها عبد الناصر الذي لم يتركه ولم يتركنا حليم دون أن يصب على آذننا أغاني من عينة" يا جمال يا حبيب الشعب " وغيرها.


بعيدا عن فكرة إذا كان حليم أداة من أدوات النظام أو أنه اختار أن يغني للنظام بإرادته، يبقى خطأ حليم الأكبر والأهم هو غناءه لفترة سياسية معينة أو لنظام أو لفرد بأعينهم،فلم يحسب حليم وقتها حسابا للزمن الذي ربما يثبت عكس ظن حليم ، فضلا عن إهداره لفنه في غناء لن يعيش، فمن منا يفكرفي سماع أغنيات حليم التي ترتبط بالثورة وبعبد الناصر؟


لم نعد نسمع تلك الأغاني إلا في يوم عيد الثورة على شاشات التليفزيون المصري أو عبر موجات الأثير ولو تغير النظام الحاي بنظام آخر لا يؤمن أو بناصر ستعدم تلك الأغاني ولن نسمع عنها مجددا.


الخطأ هو خطأ كل فنان يجنح بفنه نحو إرضاء السلطة.. أعجبني يوسف شاهين شفاه الله حين قال يوما " الفنان يجب أن يبقى دائما على يسار السلطة فالفنان دائما يسعى نحو الأفضل له ولبلاده " انتهى كلام شاهين الذي عرف كيف يحترم فنه وفشل حليم في هذا.


يبقى حليم مطربا عاطفيا مميزا مازلنا نردد أغانيه العاطفية حتى الآن لكنه في رأيي لم يكن الأفضل ولم يكن يوما أسطورة.



ده مقال كنت نشرته من سنتين تقريبا في مثل هذا الوقت اثناء احتفالات الثورة

19 comments:

Fatma said...

انا مش من هواة حليم

بالرغم من كدا بختلف معاك

حليم لما غنى لناصر ولنظامه غنى من قلبه وعن قناعة وايمان وحب لناصر

لا كان بيتدعي ولا بيعمل كدا غصب

كان فعلا بيحب ناصر زي ما ام كلثوم بردو حبته من قلبها

انا مع ان الفنان يعبر باحساسه بمنتهى الصدق

مش مطلوب منه يتبنى قضية مش قضيته

مش مطلوب منه عشان يكتبله الخلود ينافق نفسه

شاهين العظيم عمل كدا بردو

بس عشان انت رؤيتك اتفقت مع رؤية شاهين فشوفت ان شاهين محق في كلامه

شاهين حر .فعلا انسان حر

عمره ماكان اداة في ايد اي حد ابدا

وكذلك ام كلثوم وكذلك حليم

حتى وان كانوا اداة في يد سلطة ناصر وخدموه كتير

الا انهم عمله كدا ايمانا منهم بيه

وحبا فيه

ناصر شئنا ام ابينا اسطورة

له محبيه وله عشاقه

اللي انا مش منهم بالمناسبة وان كنت لا استطيع ان انكر اعجابي وانجذابي بكاريزمته العالية

ولكن عقليا انا بشوفه اخطأ بشكل لا يمكن ان يغتفر

حليم على الرغم من تقله على قلبي بكل صراحة

الا اني احترم فيه انه قال اللي جواه بصدق واحساس

مش مهم انا اتفق او اختلف معاه

المهم انه كان حقيقي

مش زي اغنية اخترناك على سبيل المثال !!!!

Anonymous said...

فنون قالت كلام من كلام الي كنت حبه اقولو

حليم كانت روحو وطنيه من غير ما حد يجبرو على دا
وحب عبد ناصر حقيقة

بس هو ساند باردتو وبحبو للثتورة بلد وعمل شيء يفضل مكتوب فتاريخ حتى لو مش بنسمعو غير على ايام احتفلات زي ما بتقول

حليم ليست كل اغانيه احبها لان اوقات للاسف مش بستحمل الموسيقى بتاعت اغانيه
بس دا ميمنعش انو عرف يدون اسمو فعالم الفن و اصبح اسم من اهم اسامي اساطير الفن

بالنسبه لشاهين فبصراحه انا اساسا الشخص دا عمري ما حبيتو
لان دماغو جايبه شمال اوي وغريبه بحسها اوقات ودا رايي انا
فمش ححكم بكلام شاهين على االفنانيين تانيين
بص عشان مش حقول اني بنتقد شاهين لاني مش بحبو هو اكيد اكتر حد من فنانين حر بس ازا هو مش بيحترم حرية التانيين فالاختار والفعل يبقى معلش مش عارف هو قدر الحريه

اي حد يخدم بلدو فدا شرف ليه مش بس الفنان
يبقى ليه نحط الفنان كانو
حد مش لازم يعمل شيء لبلدو ولو عمل يبقى موالي للنظام
بالعكس الفنان بيقدم رساله وبيساعد فترسيخ الرساله اي كان نوعها

يبقى انا برغم اني بحب شويه من اعمالو بس بهنيه كعربية انو عمل لبلدو وتاريخو ولارضو مثل هيك

علفكره انتو الي اتعودتو تسمعو اغاني الثوره غير لما تيجي منسبتها لانو الي قبل معلموش لاولادهم ان الفن الثوري دا جزء من تاريخ البلد

لو علموهم لا فضلو يرددو دا ويسمعوها مهما كان
وحيستمتعو بيها وحيعتزو بيها

وبقول كدا
لان عندنا لبنان اغانيهم الوطنيه بيترددو على طول وبالعكس بتلاقينا احنا كعرب بنسعها على طول من القديمه والجديده
يبقى ليه نظلم الفنان انو ياخد حقو فتشيببد بلدو؟
وليه نظلم حليم فحبو لبلدو او لعبد الناصر؟

بالعكس حليم اسطوره عملها بنفسه
وانا بحترمو جدا مهما كان
اما عبد الناصر برغم اخطاؤا لانو فالاول والاخر بشر زي الكل
بس بعشقوا بجد
كفايه انو كان من احد رموز الي ساعدت بلدي للتشييد الثوره والاستقلال

missAlgiers

Anonymous said...

بما انك نزلت الموضوع من سنتين و ان اعلقت عليه من سنتين
ارجع لرد القديم


تهامي

micheal said...

والله يا عم صبري..الأغاني دي اللي كانت مخدرة عقول الناس لحد ما النكسة حصلت...كان نفسي نعمل كثيرا ونغني قليلا
تحياتي

صبري سراج said...

علقت عليه فين يا تهاميlool

صبري سراج said...

مايكل احنا شعب عايش يغني لنفسه أو على نفسه مش مهم..المهم ان كتم الغنا هيموتك يا عندليب

صبري سراج said...

فنون وموكا رأيكم جدير بالاحترام.. لكن عايز اقول لفنون اني مألصقتش به تهمة العمالة للنظام انا قلت انه ممكن او ممكن.. لكن انا بأخذ عليه استخدام فنه في شيء هيموت مع ان الفن معمول للخلود وكمان استخدامه لفنه في شيء هو لايعلم اصوله وهو السياسة

Anonymous said...

شباب شو تقريبا يا صبري

تهامي

لون الشمس said...

بسم الله الرحمن الرحيم

السلام عليكم و رحمة الله


بس مبدئيا صورة حليم غريبة..ملقتش غير الصورة دى؟؟

لا بس انا مختلفة معاك فى الرأى

حليم حساس فى الاغانى الوطنية

زى احلف بسماها وبترابها

وصباح الخير ياسينا كان احساسه فيها رائع

بس ليه لما فنان يغنى كذا اغنية وطني ويكونله علاقة بالرئيس يبقى الدولة مستخدماه

حليم ما غناش للنظام

غنى للوطن

ومين عارف يمكن يكون مؤيد للثورة

جدى الله يرحمه عاصر الايام دى وفى ايام ماكانت الثورة جديدة الكل كان فرحانلها الا انو كان فيه اوقات عصيبة فعلا مرت بيها مصر بعد الثورة

مدونتى

http://cbu-1.maktoobblog.com/

leeno said...

بعد 30سنة موت جاي تحاسب حليم انه غنى لعبد الناصر؟؟!!! عجيب و غريب بصراحة ؟؟ و بعديين مين قال محدش بيسمعاغانيه الوطنية و لا اغانيه عن ناصر؟؟؟ علشان انت وغيرك مختلفين مع ناصر في غيرك متفقين معاهو على فكرة في فعلا ناس بتسمع اغاني حليم الوطنية و بتحبها وبتحنلها عارف ليييه؟ لان فيها صدق في الاحساس مش موجود في اغانيكتييير طلعت بعدها

وبناء على اييه بتقول انه غنى من غير احساس لناصر و للنظام و للثورة عدى عن اغنية عى النهار؟؟(احساه فيها خرافي ) رأي شخصي و متحيييز واسمحلي غير موضوعي

محستش قبل كدة بغنوة صورة؟؟ محستش بصدقه لما غنى خلي السلاح صاحي بلاش حليم

في الفترةدي جاهين و حليم و الابنودي فعلا كانو بيغنوا من قلب لناصر

وواضح من احساسهم و لوعايز تعرف الفرق ما بين صادق و ما بين متكلف اسمع الاغاني المصنوعة صاعة بتركيب ممل للزعما

حليم غلط ؟ لما غنى لمصر غلط؟؟؟ لما غنى لقائد كان بيبه غلط؟؟؟

افهم من كدة ا الفن للعاطفةفقط؟؟؟؟

و لادور للغناء الا التعبير عن مشاعر المحبي لعاطفية؟؟؟؟

دة انت حتى مبتحبش حليييم يا صبري عشان تميزه في اغانيه العاطفية عن الوطنية ولا تحكم على واحد مات من تلاتين سنة

اعذرني

موضوعك استفزني جدااااااااااااا و خصوصا انه في حكم شخصي ( مش عارفة اقللك ايه) بس الكلمةالل تعبر عني
هي غير موضوعي

و بعديين سيبك من اللي اتو يا صبري في ناس عايشة لسة بتهبب بلاوي سودة تقدر تتكلم عنهاملقتش غير صدقهم تقوله غلطانبعد تلاتين سنةموت؟؟؟
و لو ان انت اللي شايف انه غلطاان و يمكن غير صدقه و احترمهو حبه لما عمل كدة

و عموما دلوقتي و تقصد حد غنىللنظام دلوقتي مفيش اغاني بتعيش لا وطنيةو لا غيرهها :)طولت عليييك و فعلامنزمانمختلفتش معاك :)

الشارده said...

انا برده مختلفه معاك
لو كان حليم كده فعلا يبقى صلاح جاهين كمان كان كده
لان حليم وجاهين كانوا هم الثنائى الذهبى لاغانى الثوره
انا اللى شايفاه ان حليم كان بيغنى من قلبه فعلا لانه للاسف كان زى باقى الشباب مخدوعين فى الثوره وفاكرين انها النجده وطوق النجاه
معظم شباب مصر كان كده كان ناصر عندهم حاجه كبييييره ولغاية دلوقتى عمى من جيل الثوره بيموت فى التراب اللى بيمشى عليه ناصر
لانه فلاح وكان شايف فى ناصر الفارس الى رجعله حقه
حليم مجرد مثل للشباب المصرى فى الفتره دى مش اكتر

dr.lecter said...

حليم زيه زي تامر حسني

تامر حسني بيمثل النظام بوجهه المشرق بتاع جمعيه شباب المستقبل والحزب الوطني

تامر ليس الا كاموفلاج انيق وسيم لشباب يخشي ان النظام يدجيله بالجزمه ويحرمه من الاحلام الصناعيه ويفوقه من غيبوبته


نفس الشيء لحليم


لكن حليم كان مابيعبرش عن الشباب وبس زي تامر


حليم كان بيعبر عن امه كامله

عن شعب كامل

حليم تصضاعد نهضته مع الثوره ونهضه الشعب لذلك هو صوت معبر عن الشعب مش اضحوكه زي الاخ تامر


انا باحب ااغاني لحليم طبعا مش كلها مش عاشق له ولا موله به ولا هارمي نفسي من البلكونه علشانه ولا هاقطع هدةومي

حليم مات مع موت الثوره الفعلي


حليم مات مع بدايه العصر الجديد


حليم مات بعد ماتطمن ان الشعب شبع منه زي ماشبع من قاده الثوره

وسلم الرايه للي بعده زي ماللي مسك مصر بعد ناصر


ماحدش يفهمني غلط ولا ياول كلامي

انا بس باقول كلمتين كابسين علي نفسي ياصبري ياخويا علشان جايب جاز من الناصريين اليومين دول

dr.lecter said...

حليم زيه زي تامر حسني

تامر حسني بيمثل النظام بوجهه المشرق بتاع جمعيه شباب المستقبل والحزب الوطني

تامر ليس الا كاموفلاج انيق وسيم لشباب يخشي ان النظام يدجيله بالجزمه ويحرمه من الاحلام الصناعيه ويفوقه من غيبوبته


نفس الشيء لحليم


لكن حليم كان مابيعبرش عن الشباب وبس زي تامر


حليم كان بيعبر عن امه كامله

عن شعب كامل

حليم تصضاعد نهضته مع الثوره ونهضه الشعب لذلك هو صوت معبر عن الشعب مش اضحوكه زي الاخ تامر


انا باحب ااغاني لحليم طبعا مش كلها مش عاشق له ولا موله به ولا هارمي نفسي من البلكونه علشانه ولا هاقطع هدةومي

حليم مات مع موت الثوره الفعلي


حليم مات مع بدايه العصر الجديد


حليم مات بعد ماتطمن ان الشعب شبع منه زي ماشبع من قاده الثوره

وسلم الرايه للي بعده زي ماللي مسك مصر بعد ناصر


ماحدش يفهمني غلط ولا ياول كلامي

انا بس باقول كلمتين كابسين علي نفسي ياصبري ياخويا علشان جايب جاز من الناصريين اليومين دول

dr.lecter said...

حليم زيه زي تامر حسني

تامر حسني بيمثل النظام بوجهه المشرق بتاع جمعيه شباب المستقبل والحزب الوطني

تامر ليس الا كاموفلاج انيق وسيم لشباب يخشي ان النظام يدجيله بالجزمه ويحرمه من الاحلام الصناعيه ويفوقه من غيبوبته


نفس الشيء لحليم


لكن حليم كان مابيعبرش عن الشباب وبس زي تامر


حليم كان بيعبر عن امه كامله

عن شعب كامل

حليم تصضاعد نهضته مع الثوره ونهضه الشعب لذلك هو صوت معبر عن الشعب مش اضحوكه زي الاخ تامر


انا باحب ااغاني لحليم طبعا مش كلها مش عاشق له ولا موله به ولا هارمي نفسي من البلكونه علشانه ولا هاقطع هدةومي

حليم مات مع موت الثوره الفعلي


حليم مات مع بدايه العصر الجديد


حليم مات بعد ماتطمن ان الشعب شبع منه زي ماشبع من قاده الثوره

وسلم الرايه للي بعده زي ماللي مسك مصر بعد ناصر


ماحدش يفهمني غلط ولا ياول كلامي

انا بس باقول كلمتين كابسين علي نفسي ياصبري ياخويا علشان جايب جاز من الناصريين اليومين دول

dr.lecter said...

حليم زيه زي تامر حسني

تامر حسني بيمثل النظام بوجهه المشرق بتاع جمعيه شباب المستقبل والحزب الوطني

تامر ليس الا كاموفلاج انيق وسيم لشباب يخشي ان النظام يدجيله بالجزمه ويحرمه من الاحلام الصناعيه ويفوقه من غيبوبته


نفس الشيء لحليم


لكن حليم كان مابيعبرش عن الشباب وبس زي تامر


حليم كان بيعبر عن امه كامله

عن شعب كامل

حليم تصضاعد نهضته مع الثوره ونهضه الشعب لذلك هو صوت معبر عن الشعب مش اضحوكه زي الاخ تامر


انا باحب ااغاني لحليم طبعا مش كلها مش عاشق له ولا موله به ولا هارمي نفسي من البلكونه علشانه ولا هاقطع هدةومي

حليم مات مع موت الثوره الفعلي


حليم مات مع بدايه العصر الجديد


حليم مات بعد ماتطمن ان الشعب شبع منه زي ماشبع من قاده الثوره

وسلم الرايه للي بعده زي ماللي مسك مصر بعد ناصر


ماحدش يفهمني غلط ولا ياول كلامي

انا بس باقول كلمتين كابسين علي نفسي ياصبري ياخويا علشان جايب جاز من الناصريين اليومين دول

Rannon said...

شئت ام ابيت يا صبري حليم كان ومازال وهيفضل أسطورة ناس كتييييييييير انا منهم بيحبوه وبيحبوا أحساسه في أغانيه وبيحبوا انه كان فنان وانسان..ومفيش دليل أكيد انه غنى للنظام بس عشان يرضيه..والراجل اعترف بنفسه وقال انا ابن الثورة..

حليم عاش أسطورة ومات أسطورة
تحياتي:))

محمد حمدي said...

موضوع رائع يا صبرى .. انا كمان على فكره رايى من رايك .. عبد الحليم حافظ وام كلثوم من المطربين الى لمعتهم الثورة عشان كانوا بيخدموا اهدافها من خلال اغانيهم , حاليا لو تجرات وقلت انك مش بتحب حد من دول هتتشتم ويقتل عليك جاهل .

صحيح : ابقا زورنا ياعم

حياتي كلها لله said...

السلام عليكم و رحمة الله و بركاته
الموضوع بجد شيق و حيوي أوي زي كل مواضيعك اللي في المدونة و بما إني أول مرة أعلقلك في مدونتك فمينفعش مقولكش إن مدونتك جامدة أوي وغنها كانت من أحد الأسباب اللي حببتني في موضوع التدوين ده يعني مدونتي اتولدت علي إيدك علي فكرة أنا عرفت مدونتك من عند سمورة و بالنسبة بقي لموضوع حليم ده فأنا مقدرش أقول فيه رأي بصراحة أذا كان موالي للنظام ولا لأه بس اللي أقدر أقولة أنه حتي لو كانت كلمات أغانيه بيتم أختيارها بواسطة سلطات عليا و إنه حتي لو مكنش صادة في معانيه إلا أنه قدر يبين إحساسة و مصداقيته في أغانية يعني لو مكنش فعلا صادة أه علي الأقل نجح في تمثيل الصة أقدر أقول أن و صولة للصدق في الأخر حاجة تحسبلة بس اللي بجد حيرني هو أنه في زمن حليم وأم كلثوم و غيرهم كترت الأغاني التي تمجد و تعظم الرئيس و تنادي باسمه و تهتفله و هكذا ليه الموضوع ده مات خلاص و راحت عليه و مبقناش نشوفه خلاص غير بس في أغنية شعبولا أنا بكره إسرائيل و أحب حسني مبارك هل لأن حب ريسنا الحالي مزروع في القلوب ومش محتاج حتي التذكرة بيه متهيألي احتمال سخيف يمكن لأن المواطن المصري الغلبان يا يعيني من كتر مقعد صاحبنا علي قلبه سلم بالأمر الواقع و رضي بنصيبه و حبه غصب و خلاص .... الله أعلم ...علي فكرة أنا لا أؤيد كلام يوسف شاهين أبدا حتي لو قال درر لأنه إنسان متظرف كل أفلافة بصنفها تبع الأفلام الهابطة و اللي مينفعش حتي يتقال عليها للكبار فقط معرفش أه الضجة اللي كانت حوليه و السينما مستفدتش منه خالص متهيألي أنها حتستفيد أكتر بعد رحيلة و لو أنه احتمال مستبعد لأنه ترك تلميذة الصاعد الواعد الأخ المبجل خالد يوسف ابنه الروحي
آه معلش نسيت أقولك يا ريت تبقي تشرفني في مدونتي المتواضعة و تقولي رأيك فيها بمنتهي الصراحة

صبري سراج said...

د سلمى اهلا بيكي في مدونتي.. منوراني