Friday, August 29, 2008

هرتلات

زمان كان الولد بياكل" كاراتيه" دلوقتي مبقاش فيه " كاراتيه " فالولد " قلبظ "
....
المرحوم اللي على علب السجاير خلاص هيشيلوا صورته.. تقريبا الأربعين عدى
....
صديقي متزوج من منتقبة.. في زحمة المواصلات جرى ليحجز لها مكانا في الميكروباص بجواره وحين جلس أخذ يشدها من ذراعها.. اركبي يا ولية اركبي.. والست ترد عليه مش انا مش انا.. مطلعتش مراته
....
الفارق بين الحضري وأمير عبد الحميد نقطة جعلت من الأول "مسلح" ومن الآخر " مسلخ" "
.....
BTM أحلى حاجة في بعثتنا الأوليمبية هي بدل
اللي كانوا لابسنها في الافتتاح.. هو ده التمثيل المشرف
....
زمان كانت السينما "حسن ومرقص وكوهين" ودلوقتي أصبحت "حسن ومرقص" فقط.. ربنا يستر ومتبقاش "حسن وبس"
....
الدنيا سيجارة وكاس.. ممكن تبقى سيجارة كليوباترا مكتومة وكاس منقوع البراطيش .. وممكن تبقى سيجارة ماريجوانا وكاس شامبانيا
....
كثيرا ما أقطع طريق العودة من عملي في شارع سوريا بالمهندسين إلى بيتي في العباسية ماشيا.. الناس تعتبرني مخبولا وأنا أراها
متعة لا مثيل لها.. محدش له دعوة

6 comments:

missAlgiers said...

هو كان في تشجيع كبير للنقاب ففتره فجزائر او بالظبط كان بيتغصب عليهن بسبب الاوضاع الي كانت فتسعينات

لا وبيتقال ان ستات فائقات الجمال هما الي بيتنقبو والاغرب ان من فتره كنت عند دكتور وقامت احد المنقبات وشالت نقابها وقتها اتصدمت مفيهاش حاجه مميزه بالعكس ملهاش علاقه بالجمال
فسبحان الله منقبه على اساس ايه؟
اه يمكن زوجها شايفها ملكة جمال :D

امير عبد الحميد:D
هو لسه ف امراء من جماعه اياها فمصر
اه صح بنسى يعني

تصدق بالله ان اجمل حاجه ان دايما فالحتت العربي عندنا حتت تمشيل مش بس مشرف بس من طراز العالي
بس بعدين عيب امال عايز العالم يضحكو علينا ويوقولو دول العالم الثالث:D

فكرتني مره وانا دخله اامتحان سنه الي فاتت بنت دكتور زملتي قالتلي مفروض اول ما ندخل لباب المدرسه مفروض يدونا سجاره ملفوفه !!

فكرتني باحلى سنين قضتها فتانويه
برغم انحنا بنخلص درس الساعه خمسه ونص بعد الظهر بس كنا بستمتع كتير مرات انحنا نروح لبيوتنا مشي حوالي 3كم او اكتر


بوست فكرني بحاجه كدا
بتاكدلي انحنا بقينا فعالم تاني مش عالم تبعنا
احنا اتغيرنا والي حولينا اتغيرو بشكل اكتر
بقى الخوف والظلم بيحوم حولينا وبيملى حياتنا

بقى الكدب اساس حياتنا
وبقى نفاق من اهم مميزات الدنيا ومعيشتها

وعايزنا نتعود ونتعلم نبقى نمشي بالاساسيات الجديده ونصدقها ونامن بيها
والاهم من كل دا انحنا نلغي تفكيرنا وعقولنا عشان يسمحولنا انحنا نعيش

الله عليكي يا دنيا كل ما تمر سنينك بتحلوي اكتر:D

زي العاده يا عم صبري بتيجي فوقتك

عتبة واحد said...

انا برضوا من العباسية عبده باشا

Rannon said...

والله وبقيت فيلسوف ياصبري
تصدق تنفع :D

حلوة الهرتلات دي قوي
إبقى هرتل كتير :))ـ


تحياتي :)

شيماء الجمال said...

وحياتك يا صبري هيشيلوا صوره خلاص لأن صفقة الكارتيلات بتاعت عمو المهم كلها اتباعت خلاص :)
تحياتي لهرتلاتك المسلية ..

Anonymous said...

لا تعليق
كلامك كله انا عارفة
كل سنة و انت طيب
تهامى

حياتي كلها لله said...

السلام عليكم
أنا كنت علقت علي موضوع حليم تقريبا كتبت مقالة و كنت أتمني أنك تعبرني و ترد علي اللي قولته .......بس معلش أكيد مشغول ......عموما رمضان كريم ...