Friday, December 5, 2008

تهييس

حين تخاطب قلب المرأة استخدم وردة وحين تخاطب عقلها استخدم جزمة.

....


عمرو خالد يعلن توقف مشروعه " عيش وملح " الذي يهدف لجمع 35 ألف متطوع لتطوير 7 آلاف أسرة مصرية.. ( ممنوع التجمهر.. قانون طوارئ ).

....



الفارق بين الحب الأول والحب الحقيقي كالفارق بين هيفاء وهبي وفيروز.. الأول يخاطب الشهوة والآخر يخاطب الإحساس.. بالتأكيد أقصد شهوة الحب.

....



في السبعينيات اتفقت سعاد حسني مع صلاح جاهين على أن الحياة بقى لونها بمبي.. اعتقد أنه لو تأجل الاتفاق لهذا الوقت لأجبرت السندريلا العم جاهينأن يكتب أن الحياة بقى لونها أخضر في أصفر.

....



أثبتت الدراسات التاريخية أن مينا موحد القطرين كان زملكاويا فقد كان يرتدي تاجا أبيضا وحين هزم ملك الشمال بتاجه الأحمر صنع تاجا جديدا أبيضا بخطين حمر.

....



سألني: قل لي كلمتين عن مصر بدون ما تفكر؟

قلت: بلد تكرهها وتلعن أبوها بعشق زي الداء

أدار رأسه عني وبدأ يغني " بنضيع وقت "

....



قالت: مقالك الأخير حلو أوي

أجبت: دي أقل حاجة عندي

فاتهمتني بالغرور



13 comments:

moodysalihamidzic said...

بس ممكن الحب الاول يكون هو الحب الحقيقى
يعنى ممكن ما يكونش فى فرق بين ال2

El-sanhory said...

حين تخاطب قلب المرأة استخدم وردة وحين تخاطب عقلها استخدم جزمة.
حلوة جدا .. تسلم إيدك
أما بخصوص مينا فياريت توضح علشان مش فاهمك يا أهلاوى

Ma7moud So3ody said...

هي هي هي
انت سو سويت يا مان

صبري سراج said...

مش هناقشك يا مودي لأني بتكلم بناء على تجربتي أولا والتجارب اللي شفتها ثانيا

ربما انت شفت شيء مختلف

صبري سراج said...

سنهر هتفضل دايما عايش كده ونيتك مش صافية تجاه اعمامك الأهلاوية

الجملة واضحة يابني ومش محتاجة تفسير

صبري سراج said...

انت حد جميل يا سعودي

dr.lecter said...

زي الفل واحلي

dr.lecter said...

زي الفل واحلي

محمد حمدي said...

جامده يا صبرى

Nourhan Sirag said...

دكتور

واحشني والله

انت اللي احلى م الفل والياسمين

والتمر حنة

Nourhan Sirag said...

محمد حمدي

دي أقل حاجة عندي

صبري سراج said...

انا غلطت ورديت من اليوزر بتاع اختي.. بس دي غلطتها هي انا مش مسئول:D

إيناس حليم said...

ههههههههههههههه
جامد أوي البوست ده
أنا أول مرة أزور المدونة بتاعتك
عسولة أوي
:))