تعرضت لخدعة كبيرة أوي أوي .. غلطت في حق الشيخ محمد حسان دون قصد
كنت اشتريت حوالي شريطين أو 3 مكتوب عليهم اسم الشيخ محمد حسان
والكفرات عليه صورته لكن جوه الشرايط كان فيه واحد بيجعر
وكلامه من نوعية لو مصلتش هيطع تييييت أهلك في الآخرة
عشان كده كانت فكرتي عن الشيخ محمد حسان سيئة
لكن اكتشف انه مش هو الراجل اللي كان بيجعر في الشرايط
وان محمد حسان نفسه بيتخدع زيي
عموما انا بعتذر للشيخ ولكل الناس اللي بتحبه عن اللبس ده
ومش هقول رأيي في محمد حسان الجديد غير لما اسمعه كويس
لكن الاعتذار واجب طبعا
10 comments:
كبير من أخطأ و اعترف و قوي من اعتذر بعد الخطأ
لين
كبير من أخطأ و اعترف و قوي من اعتذر بعد الخطأ
لين
اهم حاجة تكون عرفت ان اهم حاجة ان الواحد يتاكد من الشىء قبل ما يتكلم
حط نفسك مكاني.. 3 شرايط عليهم اسم وصورة محمد حسان.. هتأكد ازاي بقى .. اتصل بيه عشان اعرف هو اللي في الشريط ولا لا:d
اعتذارك يا صبري فيه احترام لذاتك و شخصك قبل احترام الشيخ نفسه..
و أعذرك على الوقوع في هذا اللبس غير المقصود منك..
متشكر يا حنان على كلامك بجد
والله يا صبرى كون انك تعتذر ف ده شىء جميل جدا
وبالنسبه للشيخ محمد حسان فهو رائع فى دروسه وغير متشدد على الاطلاق ربنا يجازيه خير ويوفقك يا صبرى يا رب
متشكر يا سلمى وأهلا بيكي
لأ ده مش انا اللى فوق :D
انا كنت داخلة اقول برده ان ناس كتير بتغلط بس مش ناس كتير اللى بتعرف
تعتذر و خصوصا لو قدام الناس
انا مشفتش للشيخ محمد حسان غير فيديو واحد على اليوتيوب فمش هقدر احكم بس المهم انك عندك الشجاعة الادبية تقول انك غلطت
انتوا كلكوا شبه بعض كده ليه:d
Post a Comment