Saturday, May 10, 2008

مين اللي قال البعيد عن العين بعيد عن القلب؟

أوراق منثورة

البعيد عن العين.. بعيد عن القلب..!!
بعيد عنك لكن جنبك وأقرب ليكي من قلبك
بحبك.. مستحيل أنسى هواكي.. طمني قلبك

رامي صبري.. شاب في العقد الثالث من عمره

نفسي أشوفك واسمع صوتك
أعمل إيه واروح لك فين؟
بعدك مش واخد على نفسي
بعدك مش عارف أنا مين
صعب عليا اتحمل بعدك
واعيش العمر حزين
دا أنا لو غالي عليك ترحمني
أنا مش عارف أعيش غير بيك

محمد فؤاد.. رجل أربعيني العمر


من بلاد النفط أكتب إليك وحدك.. سنون الغربة لا تفوت، والعمر يمر كقطار سريع " توووت "، افترقنا بفعل الظروف، لعن الله الفراق، في مصر كل شيء يذكرني بك.. صورتك التي وضعتها في برواز أهديتيني إياه، نهر النيل شاهدُ أيامنا في العشق والهوى، شوارع وسط البلد، جروبي ومكتبة مدبولي التي أهديتك منها " الخيط الرفيع "، وكل شيء. فشلت في تطبيق فعل النسيان، وإلى بلاد النفط رحلت، تركت الصورة في بروازها والنيل لعشاق غيرنا، وخيط إحسان عبد القدوس الرفيع ليفعل به ما يشاء.. أخبروني بأن البعيد عن العين بعيدا عن القلب، لذلك رحلت، قررت أن أخوض تجربة النسيان في مكان آخر، وصممت على نجاح التجربة.. وفشلت. الصورة تركتها في بروازها وطبعتها بعيني داخل قلبي، ورائحة عطر عيد الحب الفرنسي لا زالت في أنفي، لا أشم غيرها، ولا أفيق من تأثيرها الذي نافس نبيذ فرنسا الأحمر. لا زلت أتذكر جرس هاتفي النقال حين توقظيني في السابعة صباحا لأذهب إلى العمل " الله عليك.. من بين عينيك.. شايف خطاوي مخضرة الله عليك"، لا زلت أتذكر مكالمة المساء وأشتاق لغيرة حمقاء،وعبارات مثل " وحياتي تبطل سجاير - قلقتني عليك أوي - مش لازم تشتغل صبح وبعد الضهر وتهلك نفسك.. لسه قدامنا وقت " لا زلت أتذكر رسائلك القصيرة لتذكيري بأن غدا أول ذو الحجة ولازم تصوم أو لمباغتتي بسؤال " صليت الضهر؟ ". لاسمك في لساني مذاق العسل المر، عسل الذكريات ومر الحاضر بوجع البعاد، لا زلت أحبك وأتنفسك كما كنت أفعل دوما.. أعرف.. لم يعد ينفع أن أرسل خطاباتي إليك ولكنك.. وحشتيني.


أنا جراح كبير.. أعيش في لندن التي احتوتني بعد رحيلي عن مصر عقب النكسة، قدمت لي لندن كل شيء، العلم والعمل، التقدير المادي والمعنوي والمال الوفير، الشهرة والمكانة الاجتماعية المرموقة، باختصار قدمت لي لندن كل شيء. لدينا في انجلترا أقوى مسابقة كرة في العالم ومع ذلك قمة متعتي الكروية في مباراة للأهلي وطنطا أشاهدها على الفضائية المصرية!!
لدي هنا جهاز فيديو قديم وعدة شرائط فيديو ليس من بينها أفلاما لنجوم هوليود، فقط لدي أفلام ضد الحكومة واللعب مع الكبار وباب الحديد وبداية ونهاية والناصر صلاح الدين واشترى ابني فيلما اسمه اللي بالي بالك، حفظت مشاهد تلك الأفلام حرفا حرفا وأبدا لم أمل منها ولم أسأم من مشاهدتها يوما!!

أفرح كالأطفال حين يأتي أحد المصريين للعمل هنا وأجده داخلا علي بفطيرة مشلتتة، أوحين أستقبل أحدهم في المطار وأحضنه بشده لأشم رائحة مصر في ملابسه. لم أنس مصر يوما ولم تصدق معي مقولة أمي " البعيد عن العين بعيد عن القلب " ولم تفلح رفاهية لندن أن تنسيني حارتنا بحي السيدة زينب، حتى فسحتي مع زوجتي الإنجليزية في الهايد بارك لم أحسها كما أحسست برومانسية حديقة أحمد رامي بالمنيل حين كنت اصطحب حبيبتي زميلة الدراسة إلى هناك.
لم أضع في سيارتي يوما ألبوما للبيتلز أو فرانك سيناترا، في سيارتي فقط راكبة دائمة هي أم كلثوم.. كلمة واحدة: البعيد
عن العين يملك القلب.

في مسجد نفيسة العلم وبعد أن صليت العصر وجلست قليلا ، جالت بخاطري تلك العبارة " البعيد عن العين بعيد عن القلب ".. أومال أنا هنا بعمل إيه؟! لم أرى الله تعالى يوما.. وأحببته.. عشقت رسول الله صلى الله عليه وسلم ولم أشرف يوما بمقابلته.. تعلقت بشدة بالفاروق بن الخطاب وقد رحل قبل مولدي بأكثر من ألف عام.. إذن اللي قال الجملة دي هجاص وخروف كبير.

مقولة صدرت من بلاد تدّعي أنها أرض الرومانسية وبسببها أطلقوا على قبلات العشاق " قبلات فرنسية "، هم يرون أن " البعيد عن العين بعيد عن القلب ".. هم يرون ذلك إذن فمن الفارس العاشق عنترة إلى فاروق جويدة صاحب أعظم بيت في الحب.. تبقى الرومانسية الحقيقة حصرية على القناة العربية.

أترككم مع جويدة والسلام ليس ختام..


لو أننا لم نفترق لبقيت نجماً في سمائك سارياً وتركت عمري في لهيبك يحترق لو أنني سافرت في قمم السحاب وعدت نهراً في ربوعك ينطلق لكنها الأحلام تنثرنا سراباً في المدى وتظل سراً في الجوانح يختنق ... لو أننا لم نفترق كانت خطانا في ذهول تبتعد و تشدنا أشواقنا فنعود نمسك بالطريق المرتعد تلقي بنا اللحظات في صخب الزحام كأننا جسد تناثر في جسد جسدان في جسد نسير و حولنا كانت وجوه الناس تجري كالرياح فلا نرى منهم أحد ... مازلت أذكر عندما جاء الرحيل و صاح في عيني الأرق و تعثرت أنفاسنا بين الضلوع و عاد يشطرنا القلق و رأيت عمري في يديك رياح صيفٍ عابثٍ و رماد أحلام .. وشيئاً من ورق هذا أنا .. عمري ورق .. حلمي ورق .. طفل صغير في جحيم الموج حاصره الغرق .. ضوء طريد في عيون الأفق .. يطويه الشفق .. نجم أضاء الكون يوماً واحترق ... لا تسألي العين الحزينة .. كيف أدمتها المقل لا تسألي النجم البعيد .. بأي سر قد أفل مهما توارى الحلم في عيني و أرقني الأجل مازلت ألمح في جبين الأفق نجمات جديدة و غدا ستورق في ليالي الحزن .. أيام سعيده وغدا أراك على المدى .. شمسا تضيء ظلام أيامي .. و إن كانت بعيده ... لو أننا لم نفترق حملتك في ضجر الشوارع فرحتي و الخوف يلقيني على الطرقاتِ تتمايل الأحلام بين عيوننا و تغيب في صمت اللقل نبضاتي و الضوء يسكب في العيون بريقه و يهيم في خجل على الشرفات ِ كنا نعانق في الظلام دموعنا و الدرب منفطر من العبرات و توقف الزمن المسافر في دمي و تعثرت لوعة خطواتي و الوقت يرتع والدقائق تختفي فنطارد اللحظات باللحظات ِ ما كنت أعرف والرحيل يشدنا أني أودع مهجتي و حياتي ما كان خوفي من رحيل آتي لم يبق شيئا منذ كان وداعنا غير الجراح تئن في كلماتي ... ااااااااه لـــــــو أننــااا لم نفترق ؟؟..

16 comments:

leeno said...

مممم

ربنا خلقلنا نعمة اسمها النسيان

و البعد بيساعد على النسيان

البعد بيخلي نار الحب يحصلها ركود بس مش بعد اليوم و الاتنين لا بعد السنين

غالبا الازواج لما بيتفرقو لسنين طويلة بيحصل بينهم فجوة و احيانا الحب بيضيع

لما اتنين بيسيبو بعض البعد بيخليهم ينسو وجع الفراق لانه بيحصل جفا

اللي بيتغربو عن اهلهم لفترات و بيطول البعد بيحصل جفا ما بينهم ما بتبقاش مشاعر الحب و اللهفة زي لما بيبقو قريبين من بعض


دي وجهات نظر يعني يا صبري انا بحس ان البعد جفا في الحب و الصداقة و الشوق خصوصا لو طول عشان الحياة مليانة احداث و الزحمة مش بتسيب وقت للذكريات و المشاعر اللي مفيش حاجة بتساعد على استمرارها

انا بس بستثني الموت و المشاعر ناحية الاموات من الموضوع دة

sosa said...

ممكن نقول ان الامثلة اللى انت جبتها دى معظمها اشتياق اكتر من حب
وكله بيختلف بطبيعة الانسان والبيئة اللى حواليه
يعنى لما تبقى عايش فى بيئه مفيهاش الحب اللى انت كنت عايشه زمان اكيد عمرك ما هتنساه
ولو لقيته لازم هتشتاق للحظات حلوة فاتت

Anonymous said...

مدهشة

حرام الموهبة دي تعيش كدة
انت لو كنت هناك
كنت بقيت حاجة تانية
اكتب قصص يا صبري
انا بحبك اوي
و بحب اسلوبك اوي


بجد
انت رائع


بس انا فاهم انت قصدك
لية بتلف و تدور

ههههههههه

تهامي

صبري سراج said...

leeno

لو حب بجد عمره ما بينتهي ولا بيضيع

صبري سراج said...

sosa

كلامك فيه جزء كبير من الحقيقة بس مظنش انها الحقيقة كلها

صبري سراج said...

تهامي

ربنا يخليك ليا يا رب

وبعدين قصص ايه اللي اكتبها

هل يفتى ومالك في المدينة؟

Anonymous said...

قريت كل موضوع الجديد دا وشدني اوي الاسلوب وقالب الموضوع كلو ,لسبب واحد اني كل ما بسافر بس فسحه وبطول بشهور برا الجزائر بلاقيني بحن لبلدي بحن لصحابي بحن لبيتي وحتى قطتي احساس الغربه حتى مجرد فسفر بيبقى صعب وبتلاقي دموع تذرف من غير ما نشعر حتى ,باريس برغم انها مدينة الحب لكنها لا تحمل حبا تركته وراءك .انا يوم ما كنت هناك كان نفسي اجازتي تخلص وارجع لحضن العالم الي بموت فيهم لانهم اغلى من اي بلد.
ممكن اروحو,مستر صبري بجد لمسني الموضوع دا لان انا من ناس الي عكس مقوله دي عمر ما المسافات والبعد ما بتبعدنا عن الي بنحبهم لان الحب الحقيقي لاي حد من مقربينا عمر ما المسافات تاثر عليه لان الحب اكبر من كدا,الجراح دا مهما كسب فانجلترا فاحسن حاجه كسبها على الاقل هيا ذكرياتو الي بيعيش بيها وليها لانها دي حياتو الحقيقية ,بجد موضوع رائع وانا رغيت كتير وعايزه ارغي اكتر بس ورايا مزاكره عشان بمتحن اصلا
missAlgiers

صبري سراج said...

missAlgiers

ميرسي على تعليقك اوي والحمد لله ان الموضوع لمسك للدرجة دي

سعيد بوجودك هنا وشدي حيلك في الامتحانات

sosa said...

ايوة وانا كمان عارفة ياتهامى(اموشن بيطلع لسانه)

bos bos said...

فعلا الحب الحقيقى عمره ما بينتهى مهما حصل ومش بيروح الا لو جه حب تانى قضى على الاولانى ولكن المشكلة بقت فى الناس اللى ما بقتش بتعرف تحب اصلا

صبري سراج said...

مش هتناقش معاكي في موضوع حب ينسي حب ده دلوقتي

بس هقولك انك نورتيني كالعادة

حبيبه said...

اسلوبك حلو قوي
وبعدين البعيد عن العين مش بعيد عن القلب انا جوزي مسافر وكل يوم باشتاق له واحبه اكتر من اليوم اللي قبله وباقول ربنا يقرب البعيد

صبري سراج said...

حبيبه

أهلا بيكي في مدونتي لأول مرة

انا معاكي طبعا ان البعيد عن العين

بيملك القلب ومش شرط ابدا اننا ننساه

وربنا يقرب البعيد ويجمعك انتي وجوزك على خير يا رب

mony said...

اول مرة اقرأ موضوع واتأثر بالشكل ده..
اول جزء كان جامد اوى..
ليه كل مواضيعك جاية عالجرح كده:(
وليه الابداع ده مش بيظهر ف المنتدى

"مملكة الاحزان" سابقا:)

dr_samarmar said...

الموضوع دا أنا شايفاه من زمان و كان نفسى أرد فيه لأنه شاددنى أوى بس الجهاز كان مهنج بقة :)

أنا بصراحة شايفة ان الحكاية دى واخدة شكل كرف أو منحنى معين بمعنى:

لما بنبعد عن شخص عزيز بنحبه و متعودين عليه و بنتمتع برؤيته أيا كان نوع الحب بنبدأ فى بداية البعد نحبه أوى أوى أوى و نموت فيه و الشوق يبقى زيادة عن أى وقت و يتحقق مثل ابعد حبة تزداد محبة
لحد ما تعدى فترة معينة يبدأ تانى يحصل فتور و برود فى العلاقة و يتحقق مثل البعيد عن العين بعيد عن القلب و لو رجعو اتقابلو ممكن أوى يتصدم كل طرف بتغييرات جامدة فى الطرف التانى نتيجة البعد أو الغربة

الفترة بقا اللى بتعدى دى متوقفة على عدة عوامل أهمها قوة حبك للشخص دا و التغيرات اللى بتطرأ عليك و انت بعيد

بس يعنى مجرد رأى :)

Anonymous said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區