تفتكروا فيه كام مولد في مصر؟.. أقول لكم أنا .. 2850 مولد!!.. طيب تعرفوا فيه كام مصري بيحرص على حضور الموالد كل سنة؟.. أقول لكم أنا برضه.. نصف تعداد الشعب المصري بالتمام والكمال بيحضر الموالد دي .. وفيه ناس كتير أوي أوي أكيد كلنا نعرف أعداد منهم بتسافر للموالد أينما كانت.. يعني عادي جدا إنك تلاقي واحد راح يحضر مولد سيده عبد الرحيم القناوي في قنا وبعدين يشد الرحال على دسوق عشان يحضر مولد سيده إبراهيم الدسوقي ومن دسوق يتجه شمالا إلى إسكندرية الماريا عشان مولد سيده أبو العباس.. وبعدها بتجه جنوبا مرة أخرى لمشاركة أخواته الأقباط الاحتفال بمولد العدرا قبل أن يستقر في القاهرة لاستكمال بقية الموالد.. على فكرة ده مش واحد بيسترزق من الموالد.. لأ .. ده إنسان حابب يتقرب من آل البيت والصالحين ويوسطهم بينه وبين ربنا!!
طيب تعرف إيه عن الموالد يا عسل؟
يا سيدي الموالد دي عادة شيعية نشأت في عهد الدولة الفاطمية اللي تميزت بفساد ملوكها ووقتها كانوا بيحتفلوا بستة موالد.. هي المولد النبوي ومولد سيدنا علي وستنا فاطمة الزهراء والحسن والحسين ومولد الخليفة الحاضر - اشمعنى هو يعني - وده بدأ بالتحديد في عهد المعز لدين الله.
ومن بعدها انتشرت عادة الموالد وشملت كل آل البيت وأغلب من عرف عنهم التقى وكل من ظهرت له كرامة!!.. فلا تخلو منطقة الآن من وجود مقام مولد للعارف بالله سيدي فلان الفلاني أو السيدة فلانة بنت فلان!!
بالتأكيد ليس للموالد أصل في الدين وهي بدعة سخيفة ليس لها أي فائدة دينية غير أن الناس نسيت أنها تقابل وتكلم المولى عز وجل خمسة مكالمات مجانية في اليوم ودوروا ع الواسطة زي ما بيدوروا عليها في كل حاجة في حياتهم قبل ما يفكروا ينفذوا من غيرها.. بقينا نجري ونتمسح في سيدي مش عارف مين وستي مش عارف إيه ونقول لها سايقين عليكي النبي الواد يقبل في المدرسة السنة دي!!.
وأصبح إيمان البعض بكرامات الولاة دول أكتر من إيمانهم بربنا سبحانه وتعالى خالق الخلق!!.. فاكرين رواية يحيى حقي بتاعت قنديل أم هاشم؟.. طيب اللي مقرأهاش أكيد شاف الفيلم.. الرواية بتحكي عن كثير من الجهلاء الذين كانوا يعتقدون أن زيت قنديل أم هاشم يشفي كل مرض ويزيح كل هم وصراع أصحاب هذا الفكر العقيم مع ابن حتتهم اللي سافر ألمانيا وتعلم هناك أن يؤمن بالعلم فقط.. كل منهما متطرف وكلاهما يكفر بفكر الآخر.. والاتنين غلط.. وفي النهاية عم يحيى حل الموضوع وقال إن العلم لازم يجتمع مع الإيمان الصحيح.. مش التمسح في زيت القنديل.. عفوا التمسح بزيت القنديل.
هي دي أكبر مشكلة.. الجهل.. بس كمان الجهل عندنا أنواع!!.. ناس كتير بتروح تدعي وتتبارك ببعض الأولياء اللي محدش عارف لهم أصل!!.. يعني أراهن ان الست اللي واقفة تتحايل ع السيد البدوي عشان ابنها يلاقي شغل تكون تعرف مين هو السيد البدوي!!.. واتحدى لو كان الراجل اللي عمال يقول مدد يا سيدي الدسوقي مدد يكون يعرف تاريخ سيده الدسوقي!!
الموالد في مصر حواديت وحواديت.. ليست مجرد موسم يحمل نزعة دينية.. لكنه سوق لتجارة رائجة وموسم للنشالين ومرشحي الانتخابات والمسئولين المرضى بفوبيا القيام من على كراسيهم.. المولد حياة كاملة وحقيقية
وحكايات الموالد والأسياد وأصحاب المقامات والموالد كثيرة وبها مفاجأت.. انتظروها هنا في صمت البحر
21 comments:
ايوة الموالد كتير
انا كنت بحضر مولد الشيخ شورى
وكنت بتجيب العروسة المعفنة اللي بتسقف صح؟
احنا هنروح المولد ولا اية
!!!!!!!!!!!!!!!!!!
bgad??????
Alhamdolellah m3andenash mwaled
!!!!
leeno
anonymous
اه هنروح كل الموالد بس مش هاخدك معانا
غير لما تكشف عن شخصيتك.. ومتقوليش انا حسن الهلالي
لينوتشي..
ابقي تعالي اتفرجي عليها هنا
صبري يا جميل
انا الحمد لله ليا ذكريات زي النية مع المولد ده بما انى ساكن فى مكان بيتعمل فيه مولد كل سنة
المشكلة مبقتش انهم عالم بتتقرب لاهل البيت او للناس اصحاب الكرامات بس
المشكلة بقى ان الناس دول بقوا واخدين الموضوع لممارسة جميع العاب القما والمراهنات اللى ع الديق طبعا بكل انواعها
مراهنات على النيشان على عربيات البمب وده بيتم بوسيلة خطيرة اسمها بندقية الرش واللى معمولة لصيد الحمام والطيور بانواعها واللى الحمد لله لا يخلو اي مولد من اصابات بيها واستخدامها فى خناقات كتير
وياسلام بقى على التجمع الرائع والرهيب بتاع اطفال الشوارع
تجمع كدة يبشر بالخير يحسسك انه هييجي يوم من الايام والعرب هيتجمعه بمختلف اعمارهم واشكالهم وافكارهم وبيعجبوني قوي فى انهم مهما اتخانقوا مع بعض انما هما بيبقوا ايد واحدة فى اختلاق المشاكل للغير والناس اللى بيتكتب عليهم يعدوا من خلال زحمة المولد وعلى الرغم انهم ملهومش فيه بس مبيعدوش بالساهل كدة ( اللى هيفوت يموت )
عندهم مبدا (الأذى للجميع)
ودوشة وزحمة ومخدرات وجنس وحاجة بقت مالهاش اي علاقة بالدين بالمرة
وكان زمان فى الموالد الكبيرة شويتين بتلاقي انواع مختلفة من الفنون والالعاب
زي الساحر والسيرك والرقص والطرب
بس دلوقتي بتلاقي اردأ الفنون واللى بتتمثل فى السرقة والنصب والمراهنات والعاب الاكروبات الهايلة لسرقة جيب الزبون
واختفت تقريبا موهبة الصييت واللى كان بيغني للمولد بحاله على الرغم من كبره بدون ميكروفون وبيقول مواويل مفيدة وجميلة دلوقتي بقى المطرب الاول فى كاسيت اي واحد من رواد الموالد هو شعبولا بموهبته العبقرية
يارب نقدر نعمل حملة ونقضي على الموالد دي لانها بجد ملجأ لكل الشرور
موضوع رائع وجميل يا صبري يا رائع ومستنى معلومات اكتر عن الموالد منك يا عسل
سلمونتي
منورني
ونسيت انت محمود الليثي يا معلم
حد ينسى الليثي برضه
وان شاء الله هتشوف الجديد قريب يا حج
مش فاهمة اصلا ايه علاقة الموالد دى بالدين؟يعنى واحد واقف بيلف بالتنورة لحد ما يغمى عليه و ناس بتلعب بفلوس ماله ده و مال اى دين فى الدنيا؟
و بعدين عندى سؤال هو محمود الليثى ده بيغنى؟اصلى سمعت شريط هابط هابط يعنى و كان مكتوب عليه الاسم ده غالبا هى
دى الاغانى اللى بيغنوها فى الموالد؟
اصل لو ده المغنى اللى سمعته فدى اغانى بالكتير تشتغل فى ميكروباص:)
الموضوع جميل
العروسة اللي بتسقف دي اجمد حاجة في الدنيا ومش معفنة
انا زعلان منك لانك بتقول عليها معفنة
انت اللي معفن يا صبري
وش بيعيط
سلمى
بقالك فترة منورتيش المنتدى.. حمد الله ع السلامة..
طبعا الموالد ملهاش علاقة بالدين خالص.. وبالنسبة لمحمود الليثي ملك المولد فمشهور اوي ومغرق الميكروباصات والافراح والليالي الملاح
يا درش مودي هو اللي قالي عليها ونعتها بنفس اللفظ ع الميل قبل ما يرد في الموضوع .. انا كنت بفكره بس بكلامه
انا مش هشتم العرايس عشان مش بحبهم اساسا.. انا ولد بحب الحصان
اولا زي كل مره موضوع حلو اوي يا عم صبري
انا من زمان كان نفسي افهم ليه بيعملو المولد دا وايه هدفو وكدا بس للاسف بنسى اني اسال صحابي عشان اعرف
لان احنا معندناش كلام دا نهائي
بس انا بستغرب لما عرفت انو بيتعمل عشان التقرب وعشان اسياد وشيوخ لا وكمان سفر مخصوص عشان كلام دا
غريب يعني بجد
انا الي بعرفو عن لما بيكون انسان صالح كدا بتوع زمان وبيموت وبيعملو كدا بيت فمكان الي مدفون بعرف ان في ناس تروح تحط شمع وتدعي وكلام دا
مع ان انا بشوفو جنان لان الراجل الصالح دا اصلا بيكون بين ايدين ربنا سبحانه وتعالى
احنا فتونس عندهم كتير كلام دا انهم يروح يتبركو بوالي صالح ميت ويعملو اكل ويوزعه فمكان دا وكدا
فيه كمان والي صالح ميت- سيدي محرز- المكان تبعو متواجد فالمدينه القديمه في تونس العاصمه بالظبط على بعد 500او 600من جامع الزيتونه
ومكان دا فيه بير جنب مدفن الراجل الصالح فبيطلعو الميه من هناك وبيدو ناس تشربها وبيقلك ادعي قبل ما تشرب
وناس بتاخد بقى المايه معاها فازازات كمان وبيحطو شمع وفلوس وكدا
اه والاهم من كدا ان مش لازم تدخل مكان دا بالنسبه للستات الا وهيا لبسه لباس عدل بمعنى اصح تكون لبسه حجاب او كدا تقريبا
قال ايه عشان حرام تدخلي لو مش كدا
انا زمان عشان جدتي كانت بتروح ووالدتي كمان بتاخدنا فكنت بستغرب نروح ليه يعني وايه هدف دا طب يعني ربنا حيتجبلنا غير عن طريق حد ميت؟؟
اما كبرت اوقات بقلهم مش رايحه واواقات بقول يمكن فيه حاجه واوقات مش عرفه
بجد استغفر الله العظيم
هو دا ايه بالظبط يعني انا وصلت لاوات بجد نفسي افهم ليه وجود حجاة زي كدا
وهل دا حقيقي حرام واسئله كتيره
للعلم بقى بمناسبة سيدي محرز فمكان تبعو الرئيس التونسي هو الي عملو تدشينبعد ما عملو فيه تعديلات وكدا
لا والصيف الي فات كنت معديه من هناك فمامتي بتقلي نيجي ندخل
وانا عشان مش بس متزعلش قلتلها اوك
جيت ادخل منعوني طبعا ههههههه لبسي بقى مينفعش ادخل بيه مدفن والي صالح
بس بستغرب ليه فمصر يعملو العاب وحجاة من دي فمولد زي كدا مدام بيكون مخصوص عشان والي صالح وايه علاقة كل دا فبعض ؟
اه وسؤال هيا مين ستكو فاطمه الزهراء؟
بجد موضوع يستاهل نقاش حقيقي
لان انا كتير عدا عليا بحس اني بتلخبط من موضوع دا
اه وبمناسبه عند المدافن دي بتحصل بلاوي كتيره وانا شهدت على دا فمره فتونس
واحده من قريبت قريباتي هناك جات تتجوز فقالو احنا عملين غدوه عند الشيخ الصالح فلان وانتو معزومين
انا رحت معاهم والي حصل قال ايه قالك حنشيل كلام الرباط تبع البت عشان تقدر تتجوز
وكلام دا قال ايه بيتوارث من جيل لاخر والي هو بالاساس كلام من عند شيخ صالح دا
ولو متقلش كلام رباط دا عشان يفكوها البت متعرفش تتجوز
المصيبه يومتها ان عجوز تبع كلام دا ماتت ونسيو كلام وكان يوم بقى غريب وعجيب من كل النواحي وبعد ساعات من هبل دا وصلو لحل وكدا المهم بعد ما خلص عملو اكل وجابو دربكه وعملو هيصه داخل بيت الشيخ الصالح
يعني من الاخر دا هبل وربنا ولا ايه؟وبعدين ايه دا هو احنا دخلنا فاعمال شعوذه كدا ولا ايه؟ انا بجد من يومتها والي شفتو مصدقتش ان ناس مثقفه ودرس العلم بيعملو كدا وبيطبقوه بشكل غريب صراحة
حد يقدر يفقهمنا ويشرحلنا كل المواويل دي؟؟؟؟؟؟؟؟
عمو صبري اسفه على الاطاله بجد
بس موضوع بجد اتمنى اني افهمو
missAlgiers
موكا تعليقك احسن من موضوعي نفسه
نورتيني كالعادة
وبالنسبة لستنا فاطمة فهي ابنة الرسول عليه الصلاة والسلام
جامد ياصبرى
عندى ليك فكرة جامدة بقى
اعمل مولد اون لاين
والنشان والعروسة والرقاصة وبتاعة الحديد دى بقى
يااااااااااااااااااه
هتبقى جامدة جدا
(مولد اون لاين)حاجة جامدة اخر حاجة يعنى
وتبقى فكرة سارة الاسكافى وتنفيذ صبرى سراج
ونتقابل فى عنبر واحد فى السراية الصفرا ان شاء الله
طب اسبقيني انتي وانا هحصلك
عمو صبري مرسي اوي بس والله كلامي بسيط جدا وانا مش قدك يعني
بس هو بجد الموضوع محتاج نقاش حقيقي
لان اوقات بنحس انحنا تايهين
missAlgiers
بالحق خدوني معاكو المولد دا
عايزه اتفرج وبس:D
missAlgiers
الموضوع جميل أوى ,,, و ربنا يرحمنا برحمته
و مدد يا سيدى العريان مداااااااااد
ملف هايل يا سراج
موضوع رائع بجد...كل كلمة ومعلومة فيه جديدة بالنسبالي...وبالإضافة للمعلومات دي روعة في العرض ووصول المعلومة..
الحاجة الوحيدة اللى اعرفها دسوق وسيدي الدسوقي عشان جني بلدي :)
احنا بقى عندنا سيدي البيلي أبو غنام.
بس أعتقد إن الموالد موسم للنشل أكتر منه تقرب لله.
زي ماإخواننا المصريين بيقطعوا تذكرة للسعودية في العمرة والحج عشان ينشلوا في موسمهم
ربنا يتولانا ويحفظك ياصبري :)
ميناس خطاب
Post a Comment