Saturday, May 19, 2007

!!..محمد التهامي .. الأول



محمد التهامي .. من غير كلام كتير
مهما قولته مش هوفيه حقه
هو صديقي العزيز
ووش الخير واطيب انسان في الدنيا
وصاحب قرار دخولي عالم التدوين
وعالم الصحافة من اساسه

بيانات بطاقتك الشخصية بتقول ايه ؟



اسمى محمد مواليد 7/12 السويس


ما هي اهتماماتك ؟


القراءة و السينما و التلفزيون بمختلف فروعهم


ما مشروعاتك القادمة؟


بحضر مع دار سوسن مجموعة قصصية أسمها بني أدم مع وقف التنفيذ يارب تعجبكم
و عندى أمتحانات أدعو لى بقي


الكورة ..

أهلاوي ولا زملكاوي ؟


اهلاوي عشان عائلة بابا اهلاوية ..غير كدة معرفيش


مين أكتر لاعب بتحبيه ؟


هادي خشبة اسمع انه محترم


و أكثر لاعب بتكرهيه ؟


إبراهيم سعيد

ما رأيك في تقليد بعض الأندية لجمهور الأهلي وانشاء روابط لنبذ التعصب ؟


شئ كويس


من هو أحسن لاعب في مصر هذا العام ؟


احمد حسام


شوية فن..

آخر فيلم شفته وعجبك ؟


شقة مصر الجديدة

آخر أغنية عجبتك ؟


انا ولا عارف تامر حسنى


أغنية مستفزة؟


دي كتير اوي


أفضل مطرب ومطربة؟


محمد منير
فيروز

وأسوأ مطرب ومطربة ؟


الوحش مش بعرف أسمه

رأيك في أيمن بهجت قمر ؟


له اغانى كتير جميلة

وليد سعد ؟


ملحن جامد بس يبطل غنا


نصر محروس ؟


منتج ذكى اوي


تفتكر نصر محروس هو فعلا اللي بيكتب كلمات الأغنيات اللي بتحمل إسمه كمؤلف؟


اه لية لااصلها مش أغانى عبقرية أغاني عادية

أحسن ممثل سينما وأحسن ممثلة ؟


نور الشريف
هند صبري


أفضل سيناريست وأفضل مخرج ؟


وحيد حامد
يوسف شاهين

إيه رأيك في انتشار ظاهرة السينما المستقلة ؟


بص السينما اللى في السوق مش بتعبر عن الناس ..كان لازم تظهر سينما بتعبر عن الناس ..ده سبب ظهور السينما المستقلة

ايه آخر فيلم قصير شفته وعجبك ؟


الرقم القومي محمد محسن فيلم جميل اوي بتكلم اننا بقينا عاجزين عن التواصل

ماذا عن ؟

الصحافة ؟



بحبها اوي ..بس بحب القراءة الجرائد عن الكتابة يعنى لما بكتب حاجة مش بحبها


السينما ؟


عالم خيالى بنسى فيه الدنيا


مصطفى فتحي ؟


مدير تحرير كلمتنا و اخ كبير و معلم لى ..اتعلمت منه حاجات كتير


محمد التهامي ؟


بنى أدم كويس اوي ..انا حتى بحبه


اسئلة خفيفة

الحب ؟؟



شئ جميل اوي ..احسن حاجة الواحد يكون عايش قصة حب

بتحب فى قصة حب ؟؟


للاسف لا

ايه اللي بيشد البنات في عمر الشريف تحديدا ؟


رقيق وصوته ناعم


ما هو انطباعك عن البنات المدخنات؟


زى الولاد المدخنين بالظبط حرية شخصية .. مش بتضايق منهم ..بس انا مش بحب التدخين


بتعرف تطبخ ولا لا ؟ وايه احسن اكله بتعملها ؟


لا ..بعرف اعمل سلطة

كلمة أخيرة لمعشر المدونين ؟


بحب التدوين و بجد بحس اننا أسرة كبيرة اوي وفينا اتجاهات مختلفة ...

ودلوقتي من حقك تختار ضيف الحوار القادم .. تختار مين؟



سارة الاسكافي











8 comments:

مشربية said...

صبري اختيار صح جدا و اسئلة جميلة قوي و فعلا زي ما قلت لنفسي قبل كدة مش الاسئلة هي اللي بتكون صعبة الاجوبة بتكون اصعب
تهامي انا لسة مشفتهوش بس من الصور و كلامة حبيتة زيكم بالظبط و انت يا صبري جميل انك تقول الكلام اللي في اول التاج دة حقيقي جميل
الف شكر يا رايس

صبري سراج said...

منور يا عسكري وعلى فكرة انت كمان متتخيرش عن التهامي

sosa said...

ايييييييييييييييييييه ده؟
انا سبت المذاكرة وجيت
ايه الاجابات التحفة دى
ومحدش يقولى
ماشى مردودالكوا ان شاء الله

مع انى ازاىمش فاهمة انتوا لسة بتكلموا بعض ازاى وانا موجودة فى الدنيا:))

كان نفسى والله امدح فيكوا انتوا الاتنين شويتين بس شكلكوا عاملين عليا عصابة
مين جاب اسمى هنا
انا مااعرفكوش:(

بنى أدم مع وقف التنفيذ said...

صبري انت تستاهل كل خير ..انت انسان مجتهد و عشان كدة بتنج
بجد انا مش عارف أشكرك ازاي

العسكري
انا كمان بحبك من غير ما اشوفك
يلا عاوزين نشد حيلنا

سوسا
لا تعليق ..المذكرة أهم..بلا حجج

Ahmed Tohamy said...

انا عارف تعليقي اتأخر النت و مشاكله بقى بس اعمل يا عم صبري لازم الواحد يتعب علشان يكتب كلمتين عن عمنا محمد التهامي .. مش كده و لا ايه
بس برضو يا صبري مفيش زي الكلمتين اللي قولتهوم في الاول بجد محمد شخصيه جميله قوي و الله ده غير انه وش الخير هو اللى كان دخول واحد عالم الصحافه , ايه ده هو عملها معاك انت كمان :D ؟؟!
محمد بجد يا جماعه و بلا نفاق بني ادم طيب قوي (بس مع التنفيذ المره دي )و حسن النيه و يا ما الدنيا بتعمل معاه مقالب كتير و هو بيواجها ببساطه يعنى يضايق شويه بعد كده ينسى بس مش عن ضعف بس هي تقريبا مش فارقه معاه.
بجد يا محمد دايما من كل قلبي بتمنالك النجاح و عارف قد ايه انت تستاهل و يا رب اشوفك انت و صبري اصحاب علطوووووووول

أحمـد تهامــي

بنى أدم مع وقف التنفيذ said...

احمد
شكر شكر شكر
مكسوف و مش عارف اقول اية

عمرو غريب said...

علي فكرة محمد ما يعرفش اية حاجة عن الكرةههههههههههههههههه

عمرو غريب said...

بس انا عاوز اقول لك حاجة انت اسئلتك رائعة سواء مع سارة او محمد